Skip to content

PRP (Platelet-Rich Plasma)

Çfarë është PRP?

PRP (Platelet-Rich Plasma) është një trajtim rigjenerues që përdor plazmën e pasuruar me trombocite të përftuar nga gjaku i vetë pacientit.

Trombocitet përmbajnë faktorë natyralë të rritjes që luajnë një rol të rëndësishëm në proceset e riparimit dhe rigjenerimit të indeve. Pas përpunimit të gjakut në kushte të kontrolluara, plazma e pasuruar aplikohet në zonën që trajtohet për të stimuluar rigjenerimin natyral të lëkurës ose flokëve.

PRP konsiderohet një nga trajtimet më natyrale të mjekësisë rigjeneruese, pasi përdor burimet biologjike të vetë organizmit pa substanca të huaja.

Çfarë ofrohet në Dermadvance?

Në Dermadvance, PRP përdoret si pjesë e protokolleve të personalizuara për:
PRP për Fytyrën
Një trajtim rigjenerues që ndihmon në përmirësimin e cilësisë së lëkurës, hidratimit, elasticitetit dhe shkëlqimit natyral.
PRP për Flokët
Përdoret për të mbështetur shëndetin e folikulave dhe për të ndihmuar në trajtimin e formave të caktuara të rënies së flokëve.
PRP në Kombinim me Mikroneedling
Kombinimi i PRP me Dermapen mundëson depërtimin më efektiv të faktorëve të rritjes dhe stimulon proceset rigjeneruese të lëkurës.

Shërbimet

Benefitet e PRP

Stimulon rigjenerimin natyral

Aktivizon proceset biologjike të riparimit dhe rinovimit të indeve.

Përmirëson cilësinë e lëkurës

Ndihmon në përmirësimin e teksturës, tonit dhe pamjes së përgjithshme të lëkurës.

Stimulon prodhimin e kolagjenit

Mbështet proceset natyrale që kontribuojnë në firmësinë dhe elasticitetin e lëkurës.

Përmirëson hidratimin dhe shkëlqimin

Lëkura fiton një pamje më të freskët, më të shëndetshme dhe më vitale.

Ndihmon në reduktimin e shenjave të plakjes

Kontribuon në përmirësimin gradual të vijave të holla dhe cilësisë së lëkurës.

Zonat që mund të trajtohen

Fytyra

Konturi i syve

Qafa

Dekolteja

Skalpi

Duart

Si realizohet trajtimi?

Fillimisht merret një sasi e vogël gjaku nga pacienti. Gjaku përpunohet në centrifugë për të izoluar plazmën e pasuruar me trombocite, e cila më pas aplikohet në zonën që trajtohet.

Po. Duke qenë se përdoret gjaku i vetë pacientit, trajtimi konsiderohet shumë i sigurt dhe biokompatibël.

Trajtimi tolerohet mirë nga shumica e pacientëve. Nëse është e nevojshme mund të aplikohet krem anestezik për të rritur komfortin.

Rezultatet zhvillohen gradualisht gjatë javëve në vijim, ndërsa proceset natyrale të rigjenerimit aktivizohen.

Numri i seancave përcaktohet sipas problematikës dhe objektivave të trajtimit. Zakonisht rekomandohen disa seanca të ndjekura nga mirëmbajtja periodike.

Po. PRP kombinohet shpesh me mikroneedling, biorevitalizues, mesoterapi dhe protokolle të tjera rigjeneruese për të optimizuar rezultatet.

Mund të shfaqet skuqje e lehtë ose ndjeshmëri e përkohshme në zonën e trajtuar, e cila zakonisht largohet brenda 24–48 orëve.